INERTZIA DEPOSITUA
BT TRIO
- Primarioaren eta ur bero sanitarioaren metaketa
- ACS INOX metagailua duen hozte eta berokuntzarako
- Edukia: 200/50 - 200/80 L
BT TRIO inertziako depositua aerotermiako berokuntza zirkuitu itxietan erabiltzera zuzenduta dago, eta ur bero sanitariorako metagailua du integratuta. Deposituak klimatizazio instalazioaren bolumen osoa handitzen du, eta, horrela, gailuak abio gutxiago egiten ditu beroa sortzeko.
BT TRIO metagailuak altzairu herdoilgaitzez daude eginda, eta higiene eskakizun zorrotzenak betetzen dituzte. Gainera, material horrek transmisio koefiziente handia dauka, zeinari esker etxeko ur beroa ekoizteko ahalmen handia ematen dion metagailuari.
Altzairu herdoilgaitza propietate bikainak dituen materiala da, askatze, oxidazio eta jalkitzeari dagokienez.
Bere gainazalean patina bat sortzen da modu naturalean, eta patina horrek babestu egiten du oxidazioetatik, baita oso korrosiboak diren urak dituzten instalazioetan ere.
BT TRIO intermetagailuetan, hodibihurriko trukagailua dimentsionatzeko, kontuan hartu dira laneko tenperaturak eta bero ponpen emariak, ahalik eta truke termikorik handiena lortzeko, eta bero ponparen funtzionamenduan ziklo etenak saihesteko.
Sistema horrekin, metagailu osoa tenperatura homogeneoan mantentzen da, gune hotzak sortzea eragotzita, eta horrek zaildu egiten du Legionella moduko bakterioak ugaltzea.
Termikoki isolatuta dago, moldean injektatutako poliuretanozko bits zurrun batekin. BT TRIO depositu guztiek sarbide aho bat dute goiko aldean, eta, horri esker, errazago garbitzen da intermetagailua. Halaber, erresistentzia elektrikorako aurreikusitako hargune bat dauka.
2 bertsio eskura daitezke:
• BT TRIO 200/50 50 l-ko inertziako deposituarekin eta 200 l-ko ur bero sanitarioko metagailuarekin.
• BT TRIO 200/80 80 l-ko inertziako deposituarekin eta 200 l-ko ur bero sanitarioko metagailuarekin.
