Bero ponpa hibridoen FUSION HYBRID OIL gamak gasolio bidezko sorgailu bat erabiltzen du energia osagarri gisa, etxean ur bero sanitarioa, berokuntza eta hozkuntza lortzeko.
Barruko unitate horrek, gainera, ekipamendu hidrauliko osoa eta trinkoa du, etxebizitzan espazioa aurrezteko eta erabileran erabateko erosotasuna bermatzeko, kanpoko baldintza klimatikoak edozein direla ere.
Soluzio osatu, erraz eta merkeena da erregai fosilak erabiltzen dituzten galdarak energia aerotermikoarekin ordezteko, lehendik dagoen instalazioa aldatu behar izan gabe.
FUSION HYBRID OIL soluzio hibridoak ahalbidetzen du uraren tenperatura 80ºC-raino egokitzea instalaziora bultzatzean, eta, horrekin, dauden erradiadoreen instalazioa manten daiteke, etxebizitzan berritzeko lan garestiak egin beharra saihestuta. Barneko moduluak dagoen galdara ordezkatzeko behar diren elementua guztiak daramatza, eta ordezkapena denbora laburrean egitea ahalbidetzen du, instalazio zaharreko elementuak erabiliz (erregai depositua, tximinia, etab.) edo aldaketa txikiak eginez.
Instalazioaren elementua garrantzitsuenak dituen barne unitatea denez, etxebizitza barruan behar den lekua oso txikia da.
Sorgailu osagarria izateak kanpo unitatearen potentzia elektrikoa maila baxuagotara doitzea ahalbidetzen du, ohiko ponpa aerotermikoekiko; izan ere, kontsumo gehien dagoen unetan ohiko energiaren laguntza jaso dezakegu.
Horrekin, kontratatuko potentzia elektrikoa ez da hain handia izango eta urte osoan mantendu ahal izango da. Gainera, ez dira erabili beharko erresistentzia elektriko osagarriak, horiek erabilera kostu handiagoa baitute energia osagarriarekiko.
DOMUSA TEKNIKen bero ponpa hibridoak bermatzen du etxe barruko tenperatura eskatutakoarekin bat etortzea, negu sasoian egon daitezkeen muturreko tenperaturak gorabehera.
Kanpoko tenperaturek behera egiten duten heinean, unitate aerotermikoak ez dira hain eraginkorrak eta jaitsi egiten da euren errendimendua. Une horretan hasten da funtzionatzen laguntza, errendimendua hobetuz eta etxebizitzan nahi den tenperatura mantenduz. Kanpoko tenperatura oso-oso baxua bada, eta aerotermiaren errendimendua sorgailu osagarriarena baino txarragoa bada, sorgailu osagarriak baino ez du funtzionatuko, une oro eskatutako konfort tenperaturari eutsita.
Bero ponpa hibridoak ahalik eta etekinik handiena ateratzen dio energia aerotermikoari, eta kanpoko klima baldintzek ahalbidetzen dutenean baino ez da bera bakarrik erabiliko, bai berokuntza edo hozkuntzarako, bai etxeko ura berotzeko.
Klima baldintzek okerrera egiten dutenean eta eskatutako konfort tenperatura mailari eusteko unitate aerotermikoa bera bakarrik gai ez denean, orduan, eta bakarrik orduan, hasiko da funtzionamenduan sorgailu osagarria.
FUSION HYBRID OIL bero ponpa hibridoaren barne unitateak 50 litroko buffer depositu bat darama, kanpoko unitatearen pizte zikloak murrizteko, eta, horrela, instalazioaren kontsumo elektrikoa ahalik eta gehien murrizteko.
Ordezkatutako galdara zaharren kostu energetikoarekin alderatuta, bero ponpa hibridoekin kontsumoa %70 ere aurreztu daiteke.
FUSION HYBRID OIL bero ponpa hibridoaren barne unitateak ur bero sanitarioko 115-165 litroko depositua du (modeloaren arabera) eta ur hori kanpoko unitateak 50ºC-raino berotzen du; halere, erabiltzaileak aukera du metatze tenperatura 65ºC-raino igotzeko, sorgailu osagarria erabilita. Gainera, uda sasoian eta kanpoko unitatea hozte lanak egiten ari denean, erabiltzaileak erabaki dezake etxeko uraren metagailua berotzeko bakarrik laguntzako sorgailua erabiltzea, instalazioa hozteko geldialdiak saihestuta, une oro hoztutako giroaz gozatu ahal izateko.
MONOBLOCK teknologiarekin soilik konexio hidraulikoak egiten dira, eta FUSION HYBRID OIL bero ponpa hibridoaren kanpo unitatea distantzia luzera instala daiteke.
Kanpo unitateak gas/ur trukagailua darama eta, horregatik, instalatzeko orduan ez dago hozteko zirkuitua manipulatu beharrik. Kanpo unitatea barrukoarekin konektatzeko sistema hidraulikoa erabiltzen da, eta, horrela, instalazioa errazagoa da eta ahalbidetzen du bien arteko distantzia hozteko gasa erabili izan balitz baino handiagoa izatea (fluido bero eroalea).
FUSION HYBRID OIL bero ponpa hibridoaren ur bero sanitarioko metagailua kalitate handiko altzairu herdoilgaitzez eginda dago. Material horrek transmisio koefiziente handia du, ur bero sanitarioa ekoizteko gaitasun handia izatea ahalbidetzen duena, korrosioarekiko erresistentzia ezin hobearekin.
Sorgailu osagarriaren gorputzak berotze azalera handia du, bai etxean, bai hiru ke igarobideko trukagailuan, eta errendimendu handia ematen du, instalazioaren kontsumoa eta igorpen kutsatzaileak murrizten baititu.
