50.urteurreneko logotipo lehiaketa | DOMUSA TEKNIK

1. HELBURUA

• DOMUSA TEKNIKen 50. urteurrenerako logoa sortzea urteurren berezi honetan erabiliko ditugun euskarri komunikatibo desberdinetan erabiltzeko.
• Logotipoak lema berezi bat eraman dezake, baina ez da beharrezkoa.

2. PARTE-HARTZEA

• Edozein dela zure adina, jaioterria ala bizilekua parte har dezakezu lehiaketan.
• Lehiaketa publiko eta zabala izango da.
• DOMUSA TEKNIKen komunitateko kide guztiontzat ere zabalik egongo da (bazkide, langile, hornitzaile zein kolaboratzaile).

3. DISEINUA

• Diseinuak jatorrizkoa behar du izan eta aldez aurretik argitaratu gabea.
• DOMUSA TEKNIKen nortasunarekin bat egingo duen logotipoa sortzea gomendatzen da.
• Emate formatua: JPG, PDF edo formatu bektorialean.

4. LANAK AURKEZTEKO HELBIDEA

• Lehiaketara aurkeztutako diseinuak helbide elektroniko honetara bidali beharko dira: ospakizuna@domusateknik.com.
• Mezuan bertan aipatuko da “50. Urteurrenerako logotipo lehiaketa” eta lanaren izenburua.

5. LANAK AURKEZTEKO EPEA

• 2025eko urriak 15a

6. LANAK AURKEZTEKO ZENBAIT OHAR

• Lana aurkezten denean, mezuan azaldu beharrekoak:
  • Gaia: 50. URTEURRENERAKO LOGOTIPO LEHIAKETA
  • Logoa (logotipoaren artxiboak lanaren izenburua eraman beharko du).
  • Egilearen izen-abizenak, adina eta telefono zenbakia.
  • Kooperatibarekin nolabaiteko harremana izanez gero (bazkide, langile, hornitzaile… ), adierazi.
• Pertsona batek nahi beste lan aurkeztu ahal izango ditu.

7. EPAIMAHAIA ETA ERABAKIA

• Epaimahaia DOMUSA TEKNIKeko marketineko lantaldeak eta DOMUSA TEKNIK kooperatiba ordezkatuko duten beste 4 pertsonek osatuko dute.
• Epaimahaikideek eta haien familiakoek debekatua dute lehiaketan parte hartzea.
• Epaimahaiak aukeratuko ditu, halaber, jendaurrean erakutsiko diren proposamenak eta DOMUSA TEKNIKen sare sozialetan plazaratuko direnak.
• Jasotako proposamen artean epaimahaiak saridun bakarra aukeratuko du.
• Epaimahaiaren erabakia posta elektronikoz edo telefonoz jakinaraziko zaio irabazleari eta DOMUSA TEKNIKen sare sozialetan plazaratuko da, 2025eko urriak 15etik aurrera.
• Epaimahaiaren erabakiaren kontra ezingo da erreklamaziorik aurkeztu, ez bada frogatzen oinarriotan adierazi diren baldintzak urratu direla.
• Epaimahaiak saria eman gabe uztea erabaki dezake.

8. JABEGO ESKUBIDEAK

• Lehiaketaren irabazleak saritutako lanaren eskubide guztiak DOMUSA TEKNIKen esku uzten ditu. Beraz, DOMUSA TEKNIK kooperatibak erabateko jabegoa izango du lanarekiko eta haren izenburuarekiko, baita “Copyright”ari dagokionean ere. Era berean, DOMUSA TEKNIKen esku geldituko da diseinuaren moldaketa, argitaratzea, erakusketa eta erreproduzitzea.

9. SARIA

• 500 eurotako sari bakarra izango da saritutako lanarentzat.

10. OINARRIAK

• Lehiaketaren parte-hartzeak Oinarrion eta epaimahaiaren erabakiaren onarpena dakar.
• Era berean, parte-hartzaileak ziurtatzen du aurkeztutako logoa bere sormen pertsonalaren emaitza dela, ez dituela beste inoren egile eskubideak urratu eta ez duela hirugarren pertsona baten lana erabili, adibidez, argazki edo diseinu osagaiak.
• Logotipoa osorik edo zati batean adimen artifizialeko tresnen bidez sortu bada, egileak horren berri eman beharko du aurkeztean.